И йикъара чав чIулав хабар агакьна. Дагъустан Республикадин лайихлу муаллим, РСФСР-дин школайрин муаллим-методист, Ватандин ЧIехи дяведин ва зегьметдин ветеран Межид Рамазанович Газалиев чавай гьамишалугъ яз къакъатна.
М.Р. Газалиев 1932-йисуз Ахцегь райондин Хуьруьгрин хуьре колхозчидин хизанда дидедиз хьана. Хуьруьгрин хуьруьн 7 йисан, Ахцегьрин юкьван мектебра кIелна. В.И.Ленинан тIварунихъ галай Даггосуниверситетдин физикадинни математикадин факультет акьалтIарна.
1952-йисалай муаллим, Ялахърин 8 йисан школадин директор, Хуьруьгрин юкьван мектебдин директордин заместитель, КПСС-дин Ахцегь райкомдин пропагандадин ва агитациядин отделдин заведующийдин заместитель ва заведующий, “Хрюгский” совхоздин парткомдин секретарь, 1980-йисуз хайи хуьруьн школада кIелунинни тербиядин рекьяй директордин заместитель яз кIвалахна. Гьа са вахтунда ам Ватандин ЧIехи дяведин ветеранрин советдин ва Ахцегь райондин халкьдин образованидин педагогвилин зегьметдин ветеранрин советдин председатель Хуьруьгрин хуьруьн агъсакъалрин советдин председателни тир.
Адан гьакъисагъ зегьмет гьукуматдин наградайралди — “Ватандин ЧIехи дяведин йисара гьакъисагъ зегьметдай”, Ватандин ЧIехи дяведа гъалиб хьана 30 йис, 40 йис, 50 йис, 60 йис, В.И. Ленин дидедиз хьайидалай инихъ 100 йис тамам хьуниз талукь медалар, КПСС-дин Дагобкомдин, райкомдин ва Дагъустан Республикадин просвещенидин министерстводин гьуьрметдин грамотаяр гуналди къейдна.
Чна Межид Рамазановичан хизандиз ва вири багърийриз башсагълугъвал гузва.
Дустарин десте