“Islam.ru” сайтди хабар гузвайвал, Арабрин Сад хьанвай Эмиратрин президент, шейх Халиф бен Заед Аль-Нахайянан къарардалди, Къурбанд суварин вилик жуьреба-жуьре тахсиркарвилерай уьлкведин дустагъра ацукьарнавай 669 кас азаднава.

Идалай гъейри, президентди азаднавайбурал алай пулдин буржар вахкунин кардани абуруз куьмек гун буйругъна.

Уьлкведин кьилин мергьяматлувал себеб яз вишералди инсанриз цIийи уьмуьрдив эгечI хъийидай ва мусурманрин чIехи сувар багърийрин арада къейддай мумкинвал хьана.

Гьазурайди — Агьмед Магьмудов