Къурбанд сувариз “ЛЕКИ” фондуни Кьиблепатан Дагъустанда мергьяматлувилин серенжем кьиле тухвана. Яшайишдин четин шартIара авай 450 хизандиз къурбанд авур 12 гьайвандин як пайна.
Гьар са хизандал 2-5 кг як гьалтна: Ахцегь районда — 110, Докъузпара районда — 47, Кьурагь районда — 62 ва Мегьарамдхуьруьн районда 231 хизандал.
Идалай гъейри, Сулейман-Стальский районда мергьяматлувилин “Умуд”, “Инсан” ва “ЛЕКИ” фондари 270 хизандин арада 1 тонни 200 кг къурбанддин як пайна.
“ЛЕКИ” фондунин векилри, игьтияж авай хизанриз садакьадин як гун патал кьиле тухвай серенжемдик пай кутур гьар са ватанэгьлидиз сагърай лугьузва.
Гьазурайди — Агьмед Магьмудов
