Акваз-такваз гатун эхиримжи варз тир августни акъатзава. Са тIимил йикъарилай школайри ва кIелдай маса идарайри чпин ракIарар аялар ва студентар патал ачухда.
Иллаки сифте яз чпин бицIекрин гъил кьуна, абур школадиз гъизвай диде-бубайрин рикIерик са жизви гъалаба хьун адетдин кар я.
Лугьуз кIанзава хьи, Кьурагьрин 2-нумрадин юкьван школа цIийи кIелунин йисаз лап хъсандиз гьазур хьанва. Аялриз тамам чирвилер гун патал лазим тир вири шартIар тешкилнава. Классар ва фойеяр ремонтна, къайдадиз гъанва, аялриз алай аямдин истемишунриз жаваб гудай тегьерда чирвилер гун патал кьве кабинет герек тир вири шейэралди тадаракламишнава.
Къейд ийин хьи, чи муаллимрин коллективдани цIийивилер жезва. Чпин чирвилер аялрив агакьариз кIанз ашкъиламиш хьанвай жегьил пешекарар гьазур хьанва.
Къуй гьар са муаллимдихъ мягькем сагъламвал, аялрихъ дерин чирвилер ва агалкьунар хьурай.
Жамиля Бутаева,
Кьурагьрин 2-нумрадин юкьван
школадин муаллим
