Мукьвал тир кьве йисан вахтунда Дагъустан Республикада кьве вацралай виниз яшда авай аялар патал школадилай виликан чирвилер гудай идарайрин кьадар хейлин гаф жеда. Абур эцигун “Демография” милли проект ва Республикадин инвестицийрин программа уьмуьрдиз кечирмишунин сергьятра аваз планламишнава.
И объектар финансламишун патал федеральный ва республикадин бюджетрай 8,2 миллиард манат чара авунва.
ЦIийи объектар пуд йисан вахтунда эцигна куьтягьда. Анра 9 агъзурдалай гзаф аялриз чка жеда.
Къенин юкъуз республикада электронный жуьредин нубатра 2 вацралай 3 йисалди яшар хьанвай 2 агъзур ва 3 йисалай 7 йисалди яшар хьанвай 13 агъзурдалай гзаф аялар ава.
Школадилай виликан чирвилер гудай идарайра чкаяр бес тахьун регионда аялар хунин кьадар гзаф хьунихъ галаз алакъалу я (республикадин школайра кIелзавайбурун кьадар анжах 2017-йисалай 13 агъзур касдилай гзаф хьана).
Месэла гьялун патал РД-дин образованидин ва илимдин министерстводи алава серенжемрин комплекс кардик кутунва, государстводинди тушир сектордин тереф хуьзва. Муниципальный властрин куьмекдалди виликрай школадиз фидай яш тахьанвай аялрин тешкилатар хьайи дараматар элкъвена вахчун патал серенжемар кьабулзава.
«Лезги газет»
