Ахцегь райондин центрада авай Айдунбег Мукьтадиран тIварунихъ галай парк чIуру гьалда аваз гзаф йисар тир.

«Лезги газетдиз» райадминистрациядин пресс-къуллугъди хабар гузвайвал, алай вахтунда парк цIийи хъувунин, анаг ял ягъун патал алай аямдин къулай чкадиз элкъуьрунин кIвалахар кьиле физва. Къейдзавайвал, Ахцегьин кьиблепата яшамиш жезвай агьалийриз азад вахтунда къулайдиз ял ядай чка авачир.

«Ял ядай багъдин мулкар къайдадик кутунин кIвалахар тамамарзава, багъдин къерехра авай жугъун цIийи хъувунва», — малумарзава эцигунрин ва сад тир заказчикдин управленидин начальник Мусабег Гьажиева.

«Лезги газет»