6-августдиз Ахцегь райондин администрацияда райондин кьилин заместитель Алмас Шуаева нубатдин совещание кьиле тухвана. Идакай «Лезги газетдиз» райадминистрациядин пресс-къуллугъди хабар гана.
Экономикадин ва чилерихъни эменнидихъ галаз алакъалу кIвалахрин отделдин начальник Мегьамед Кьасимова чилин ва эменнидин налогар кIватIунин кар районда санлай гьикI кьиле физватIа, гьадакай баянар гана.
Администрациядин крар идара ийизвайди тир Вадим Агъасиева совещанидин иштиракчияр РД-дин Гьукуматдин Председатель Артем Здунова малумарнавай «РД-да ТКО-дин (твердые коммунальные отходы – ред.) месэладив эгечIунин серенжемрин гьакъиндай» къарарда кьилиз акъудун патал тапшурмишнавай сиягьдин метлебдихъ галаз танишарна.
Умуми отделдин начальник Расим Османова хуьрерин кьилериз, ФИАС системадик кутун патал, чилерин участокриз талукь делилар агакьарунин лазимвал авайдакай лагьана. Идалайни гъейри, ада хуьрерин кьилерал анра кардик квай АГЗС-рин гьакъиндайни информация агакьарун тапшурмишна.
Алмас Шуаева кIватI хьанвайбурун фикир полиомелит азардикай хуьнин вакцинаяр тешкилунин месэладал желбна. Къейд авурвал, талукь тир рапар ягъунин жигьетдай аялрин диде-бубайрихъ галаз гъавурда тунин кIвалах кьиле тухун важиблу я. Азар лагьайтIа, сагъариз техжедайди, пис нетижайрал гъидайди я.
Эхирдай совещанидал образованидин идарайра ремонтдин кIвалахар кьиле физвай гьални веревирдна.
«Лезги газет»
