И йикъара Кьурагь райондин КьепIиррин хуьре жегьилрин арада футболдай турнир кьиле фена. «Лезги газетдиз» райадминистрациядин пресс-къуллугъди хабар гайивал, турнирдин кьилин тешкилатчи «Абад-КьепIир» тIвар алай мергьяматлувилин фонд я. Фондунин куьмекдалди жаван спортсменрин арада гьар йисуз футболдай акъажунар текшилзава.

Акъажунар кьиле физвай йикъара хуьруьвай яргъа яшамиш жезвай жегьиларни чпин ватандиз хквезва. Интернетдин куьмекдалди веревирдер кьиле тухунин нетижада турнирдал желбзавай жегьилрин кьадарни йис-сандавай артух жезва. Футболдин турнирдилай гъейри, аялрин арадани гимнастикадин са шумуд жуьредай акъажунар кьиле тухвана.

Иштиракчийри къейдзавайвал, кьве юкъуз кьиле фейи спортдин мярекатар итижлубур, рикIел аламукьдайбур, хуьруьнвийриз шадвал багъишайбур хьана. Агалкьунар хьайи командайриз кубокар ва савкьатар гана.

«Лезги газет»