«Дагъустан» РИА-ди хабар гузвайвал, алай йисан 6-7-августдиз республикадин меркезда Каспи гьуьлуьн югъ шад гьалара къейдда.
РД-дин тIебиатдин ресурсрин ва экологиядин министерстводи чешмедиз хабар ганвайвал, Каспи гьуьлуьн йикъахъ галаз алакъалу яз кьиле тухудай суварин мярекатрин сергьятра аваз «элкъвей столарни» тешкилдайвал я. Ахьтин мярекатрал гьуьлуьн къерехрив гвай элкъуьрна кьунвай тIебиат хуьнихъ галаз алакъалу месэлаяр веревирд ийида.
Къейдзавайвал, суварин мярекатар «Экология» ва «Михьи уьлкве» милли проектрин сергьятра аваз тешкилда.
«Лезги газет»
