Сулейман-Стальский райондин администрациядин пресс-къуллугъди «Лезги газетдиз» хабар гайивал, райондин рекьер, куьчеяр ва жемиятдин чкаяр абадунин серенжемар райадминистрациядин кIвалахдин кар хел яз гьисабзава. Иллаки эхиримжи вахтара инсанрин дуланажагъ хъсан хьун патал важиблу серенжемар кьабулзава. Шадвилелди къейд ийиз жеда, ихьтин регьимлу крарик мумкинвилер авай ватанэгьлийрини еке пай кутазва.
ИкI, Кьасумхуьре и йикъара Садуллаеврин хизандин такьатрихъ Къазимегьамедан тIварунихъ галай куьчеда ва хуьруьн сурарин къенепатан рекьера къир цунин кIвалахар кьиле фена.
Адалайни гъейри, сурарин жугъунни, варарни цIийибуралди эвезна. Райондин кьиле авайбуруни, Кьасумхуьруьн агьалийрини регьимлу кардик кьил кутур Садуллаеврин хизандиз рикIин сидкьидай сагърай лугьузва.
«Лезги газет»
