Дуьньяда 1 миллиондилай гзаф агьалияр яшамиш жезвай шегьерар виридалайни гзаф Китайда ава. Кьунвай майдандал гьалтайла виридалайни еке шегьер Китайдин Чунцин я.
Европада виридалайни еке шегьер Москва я.
Палестинада авай Иерихон дуьньяда виридалайни къадим шегьер яз гьисабзава. Ана сифте яз 9 агъзур йис идалай вилик инсанар яшамиш хьана.
Дуьньяда виридалайни мекьи меркез Улан-Батор я.
Виридалайни хатасуз шегьер Абу-Даби я.
Перудин Ла-Ринконада виридалайни кьакьанда авай шегьер я. Ам гьуьлуьн дережадилай 5100 метрдин кьакьанда ава лугьуда.
Туьркиядин Стамбул шегьердин са пай Европадик акатзава, муькуь пай — Азиядик.
Бразилиядин меркез, виридалайни гьяркьуь (250 м) куьче авай шегьер хьиз, Гиннессан рекордрин ктабда гьатнава.
Россиядин виридалайни кьиблепатан шегьер Дербент я.
Виридалайни гзаф туристар Париждиз физва.
Дуьньядин уьлквейрив гекъигайла, виридалайни гзаф шегьерар Россияда ава.
Дуьньядин пуд шегьер аслу тушир гьукуматар я: Сингапур, Ватикан, Монако.
Гьазурайди — Куругъли Ферзалиев
