И мукьвара чи ясли-бахчада “Зи хайи хуьр Вини СтIал” мярекат кьиле тухвана. Ам и бахчадин тербиячи Аида Мегьамедовади ачухна. Машгьур манидар Расул Абдулкеримова — Имам Яралиеван чIалариз туь­кIуьрнавай “Пуд СтIа­лар” ма­ни тамамарайдалай кьулухъ сегьне аялри кьуна. Сажидин Саидгьасанован чIа­лариз компо­зитор Маина Абдулмуталибовади кхьенвай маниди кIватI хьанвайбурун гуьгьуьлар мадни хкажна. Гурлу капари и кар аялрилай ус-тадвилелди кьилиз акъудиз алакьайди тестикьарна.

Ахпа мярекатдал лезги хуьрекрикай, мехъериз талукь яз виликдай аваз хьайи  адетрикай суьгьбетарна. Яслидин тербиячийри — Дилара Муталибовади, Дуьлбер Алиевади, Аида Мегьа­медовади, Замира Ярагьмедовади, гьакIни Маида Абдулазизовади “Аман бала Суна чан”, “Билдир беневша”, “Пенкер баха” манияр ягъиз-ягъиз “Сар эвягъдай мел” сегьне къалурна.

Мярекатдал теклифнавай мугьманри — хуьруьн Винир СтIалрин кьил К.Селимова, школадин директор Р.Къагь­рима­но­ва, край чир­дай­бурун музейдин директор А.Ших­­набиева, и цIа­рарин ав­торди Вини СтIалдикай, адан девлетлу тарихдикай суьгьбетарна, хуьруьз бахшнавай шиирар кIел­на.

Эхирдай ясли-бахчадин заведующий Гьажиева Сегьерхалум Башировнади ихьтин межлис кьиле тухунай аялриз ва тербиячийриз, гьакIни иниз атанвай мугьманриз чухсагъул лагьана. Ая­лар ватанпересвилин руьгьдаллаз тербияламишунин жигьетдай ихьтин мярекатрихъ еке метлеб авайди къейдна.

Замир Мегьамедов,

Вини Стlал