Дагъустан республикада малумарнавай идара ийидай кадрияр хкягъунин «Зи Дагъустан» конкурсда иштиракун патал 5 агъзурдалайни гзаф инсанри арзаяр вуганва. Къейд ийин, Дагъустанда кадрияр хкягъун патал гатфариз кьиле тухвай сифтегьан конкурсди 1091 арза кlватlнай.
Чи республикадилай гъейри, Россиядин 85 региондайни арзаяр вугайбур ава. Санлай къачурла, 5258 арза регистрация авунва. Гзафни-гзаф Санкт-Петербургдай, Москвадай, Ставропольский крайдай, Московский областдай, Ханты-Мансийский автономный округдай арзаяр вуганва.
Къейд ийин, чеб Дагъустандилай къеце авай, конкурсда иштиракзавайбурун 99 процентди чеб республикадиз хквез гьазур я лагьанва.
«Лезги газет»
