Мегьарамдхуьруьн райондин Азадогъли хуьряй тир Эдуард Исмидинович Агьмедханова Дербент шегьердин 8-нумрадин мектеб акьалтIарайдалай кьулухъ ДГПУ-да «Основы безопасности жизнедеятельности» пешекарвиляй чирвилер къачуна. Буйнакск шегьерда военный кафедрадик экечIна, лейтенантдин чиндиз лайихлу хьана.

Украинадин мулкарал махсус серенжем гатIунай чIавуз Э.Агьмедханов, мобилизациядин сергьятра аваз, Россиядин Федерациядин Яракьлу Къуват­рин жергейрик экечIна. Ада Запорожье шегьерда къуллугъзавай. Гьайиф хьи, алай йисан 9-июндиз вичин хивевай везифа кьилиз акъудзавай чIавуз офицер телеф хьана.

Багърийри рикIел хкизвайвал, Украинада кьиле физвай махсус серенжемда иштиракун патал эвер гайи чIавуз дидеди адавай, «я хва, вун гьиниз физва?» лагьана хабар кьунай. «Эгер зун тефейтIа, фланди тефейтIа, бес дяве мус куьтягь жеда?» — суалдалди жаваб хганалдай жуьрэтлу офицерди.

Эдуард Агьмед­хановаз РФ-дин Пре­зи­дент­дин Указ­­­далди «Жуь­р­эт­­лу­ви­ляй» орден­ те­леф хьайидалай­ кьулухъ гана­. Мукь­вара шабагь Ме­гьа­рамдхуь­руьн райондин кьил Фа­рид Агьмедова­ адан ­уьмуьрдин юл­­даш­див вахкана­. И мярекатда рагьметлу офицердин дидеди, райондин ад­министрациядин векилри, депутатрин собранидин председа­телди, военкомди ва масабуру иштиракна.

Агьмед  Магьмудов