2017-йисан 31-декабрдиз Кьасумхуьруьн Муса Манарован куьчеда авай са кlвале цlай кьунай, — и гьакъиндай «Лезги газетдиз» Сулейман-Стальский райондин администрациядин пресс-къуллугъди хабар гузва.

Малум хьайивал, кlвалин балхундал кузвай петарда аватуникди, йифен сятдин 10-даз, цlай кьур дуьшуьш арадал атана.

Цlаяр хкадардайбурун десте къведалди, Кьасумхуьруьн 1-нумрадин СОШ-дин 11-классдин сухта Гьамидулагь Асалиев цlай хкадариз алахъна.

Шагьидри ихтилатзавайвал, куьчедай фидайла, жегьил гададиз кlваляй мичlи гум акъатзавайди акуна ва ам тадиз цlай кьунвай кlвал галайнихъ фена. Варарал дапlар алайтlани, жугъундилай элячlна, жегьил къенез гьахьна. Гьамидулагьа викlегьвал къалурунин нетижада тамамдаказ цlай хкахьна.

Къалурай игитвал себеб яз, жегьилдиз кlвалин иесиди ва хейлин масабуруни рикlин сидкьидай сагърай лугьузва.

Куругъли Ферзалиев