Накь РД-дин Гьукуматдин Председателдин заместитель — Дагъустандин образованидинни илимдин министр Уммупазиль Омаровадин регьбервилик кваз Махачкъалада кьиле фейи совещанида республикадин мектебра медицинадин кабинетар лицензироватунин месэлаяр веревирдна. Идакай “Лезги газетдиз” РД-дин Кьилин ва Гьукуматдин Администрациядин пресс-къуллугъди хабар гана.
Министрди къейд авурвал, медкабинетар лицензироватунин жигьетдай республикадин муниципалитетра сад хьтин гьалар авач. У.Омаровади гьисабзавайвал, и месэладив жавабдарвилелди эгечIна кIанда.
“Чна мектебра медицинадин кабинетар кардик кутуниз, иллаки медицинадин образовние авай пешекарриз талукь месэлайриз фикир гун лазим я. Медкъуллугъчияр образованидин идарайрин штатра хьун герек я. Я тахьайтIа, медицинадин идарадин къуллугъчи яз, икьрардин бинедаллаз мектебда кIвалахунални желбна кIанда”, — лагьана У.Омаровади.
«Лезги газет»
