Тlвар-ван авай спортсмен Жабар Аскерова гележегдин планрикай ва вичиз къвезвай теклифрикай ихтилатна.
«Алай вахтунда заз One FС-дихъ галаз икьрар кутlун теклифзава, амма ихьтин теклифдал асаслу яз, маса промоушенра бягьсер тухудай ихтияр захъ жедач. Гьелелиг за теклиф кьабулзавач. Заз Bellator Kickboxing ва маса тешкилатрик акахьиз кlандай. Эхиримжи бягьс тухвайдалай кьулухъ ял язава, амма мукьвара Мельбурндиз хъфида ва нубатдин бягьсиниз гьазурвал аквада.
Исятда Мельбурнда 17-ноябрдиз кьиле фидай бягьсинин гьакъиндай ихтилатар кьиле физва», — ихтилатнава Жабар Аскерова «Чемпионат» чешмедиз.
Малумарзавайвал, Жабарахъ галаз нубатдин бягьс кьиле тухудайди дуьньяда машгьур спортсмен хьун лазим я.
«Лезги газет»
