Малум тирвал, чи республикада “Земский муаллим” проект алатай йисалай кардик ква. Ана иштиракун патал 55 йисалай гзаф яшар тахьанвай тежрибалу муаллимризни, гьакI педагогвилин вузар цIийиз куьтягьнавайбурузни теклифзава. Проектдин кьилин макьсад хуьрерин образованидин идарайриз пешекар муаллимар желбун я. Муаллимди хкянавай мектебда вад йисалай тIимил тушиз кIвалахун кьилин шартI я.
Хкягъунин серенжемрин нетижада гъалиб хьайи муаллимар яшамиш жез хуьрериз фида ва чпи кIвалахдай чкада кIвал эцигун, маса къачун патал абуруз са миллион манат пул гуда. ЦIинин йисуз и проектда иштиракиз кIанзавай 450-далай гзаф муаллимри РД-дин образованидинни илимдин министерстводив арзаяр агакьарна.
“Земский муаллим” проект Россияда сифте яз 2019-йисуз Дагъустанда кардик кутуна. Алатай йисуз хуьрерин мктебриз 50 муаллим рекье гьатна. Къейдзавайвал, РД-дин Кьил В.Васильеван куьмекдин ва проект федеральный дережада кьилиз акъудунин ужунда алай йисуз такьатарни артухарнава. ЦIинин йисуз 140 муаллим кIвалахун патал хуьрериз фида.
«Лезги газет»
