Дагъустанда лезги чIалал шиирар кIелунай “Заз зи Ватан кIанда” лишандик кваз Ватан хуьзвайбуруз талукьарнавай конкурс кьиле физва. Ам тешкилнавайди ери-бине Ахцегьай тир меценат Нариман Гъазалиев я. И карда жумарт ватанэгьлидиз РД-дин жегьилрин крарин рекьяй министерстводини Дагъустандин писателрин Союзди куьмекар гузва.
Конкурсда 8-11-классра кIелзавай аялривай иштиракиз жеда. Абуру, Ватан хуьзвайбуруз (СССР-дин ва РФ-дин игитриз, Ватандин ЧIехи дяведин ветеранриз, “афгъанвийриз”), Украинада кьиле физвай махсус операциядин иштиракчийриз бахшна, лезги чIалал кхьенвай шиир ва я мани камерадиз къачуна, 1-5 декьикьада давам жезвай видео электоронный почтадин konkurs0505@mail.ru адресдиз ва я 8928 961 00 91, 8928 061 51 21 нумрайрин куьмекдалди ватцапдиз ракъурна кIанзава.
Къейд ийин хьи, конкурсдин кIвалахар 3-майдалди кьабулзава.
1, 2, 3-чкаяр кьурбуруз 30, 20 ва 10 агъзур манатдин кьадарда аваз пулдин пишкешарни дипломар гуда. 1 агъзур манатдин кьадарда аваз пулдин пишкешар конкурсда тафаватлу хьайи мад 10 иштиракчидив вахкуда.
«Лезги газет»
