Заз алай вахтунда лезги чIалан орфографиядин своддал кIвалахзавай пешекарриз са теклиф гуз кIанзава: лезги чIала дидед чIал ва я дидедин чIал къайдайрин чкадал дидечIал къайда кьабулин.
Зи бязи чирхчирри (абур чIалан пешекарар я) ихьтин къайдада кхьин ва ихьтин къайда кьабулун дуьз туш лагьана. Заз абур батIул яз аквазва. Вучиз?
Общество авачир чкада чIалан гереквал авач. Дуьньяда авай гьар са затI са квез ятIани герекди я, амма инсаниятдиз адан гереквал гьеле чизвач… Заз чиз, къени Къуръандин дуьз таржума малум туш. Себебни, заз аквазвайвал, гафарихъ (гьар садахъ) манаяр гзаф хьун я.
Араб чIал, урус чIал, чувуд чIал – и къайдайра кардик кутунин къайдади (кьве ачух тушир сес санал агудуни) чIал заланарзава, кхьинрани чка артух кьазва.
Гьа икI, исятда лезги чIалан орфографиядин свод дуьз къайдада хьун патал кIвалах тухузвай комиссиядиз заз инанмишвилелди теклифиз кIанзава: дидечIал кхьенвай къайда кьабулин, дидед чIал ва я дидедин чIал — ваъ…
Абдулашим Гьажимурадов
