СтIал Сулейманан райондин ЦIийи Испик цIийиз арадал атанвай хуьрерикай я. 2024-йисуз РФ-дин Гьукуматдин къарардалди кьилдин хуьруьн дережа (статус) гана. Чи йикъара ам «Испикский» сельсоветдик акатзава ва анин административный центр я.

Хуьр Гуьлгери вацIун тIвар алачир хилел, «Кьасумхуьр – Шихидхуьр» рекьин патав, райондин центр тир Кьасумхуьруьвай 5 километрдин яргъа мензилда экIя хьанва.

Хуьр 1969-йисуз Испикрин «ЦIийи рехъ» колхоздин ва Сальянрин майишатар Дугун тIвар алай участокдиз куьч хьунин нетижада арадал атана.

1989-йисуз и хуьре 462 агьали яшамиш жезвай. 2002-йисуз кьиле тухвай Вирироссиядин агьалийрин переписдин делилралди, чкадин агьалийрин кьадар 1000-дав агакьзавай.

Мурад Мегьамедкеримован

«СтIал Сулейманан район: ­тарихдин гелерай» ктабдай.