Алатай гьафтеда залан­ азар­дикди 80 йисан яшда аваз республикадин профсоюзрин, кон­сервиярдай промышленностдин­ ва зегьмет хуьнин рекьяй го­су­дарстводин инспекция­дин кIва­лахар вилик тухунин кардик ­ак­­вадай хьтин пай кутур вини дережадин пешекар, карханайрин,­ идарайрин коллективрин ва гзаф инсанрин арадани гьуьр­мет авай Закидин Исмаилович Ибрагьимов рагьметдиз фена.

З.Ибрагьимов 1943-йисан сен­тябрдин вацра Кьурагь райондин Хпежрин хуьре муаллим Исмаил Ибрагьимовичан хизанда дидедиз хьана.

Хуьруьн ирид йисан школа куь­тягьайла Закидина кIелунар Кьу­рагьрин школа-интернатда да­­­­­­вамарна. 1961-йисуз ам Ма­хач­­­­­къаладин недай-хъвадай шей­­­­­э­рин техникумдик экечIна. Пуд йисалай ада недай-хъвадай­­­ шейэр акъуддай карха­найра­ ишлемишзавай зурба холодильник­рин къурулушдин тех­ник­-ме­ха­ник­­ви­лин пеше къачуна.

Куйбышевдин совнархоздиз ре­кье тур жегьил пешекар Неф­те­камскдин якIун цIийи комбинатдиз ракъурна. Зурба карханадин машинрин отделенида Даниядин «Атлас-Данфос» фирмадин холодильникар эциг­навай. Абур кардик кутуна кIанзавай. И мес­эла са куьруь вахтунда гьялай­ дагъустанви директорди хо­­ло­дильникрин отделенидин на­­чаль­никвиле тайинарна. 1964-йисан декабрдиз ам армиядиз фена.

Армиядай хтайла Махачкъа­ладин балугърикай кон­сервияр­дай комбинатда кIва­ла­хал акъвазна. Карханадин техни­ческий от­делдин инженердин­ ала­­кьу­нар­­ республикадин балугърин­ промышленностдин Уп­равлени­дизни герек атана. Ина ада са шу­муд йисуз транспортдин рекьяй инженервилин­ везифаяр та­мамарна. Гуьгъуьнлай адаз мад комби­натдиз, консервиярдай цех­дин начальникдин заместителвилин къул­лугъдал эвер хъувуна.

Пешекар коммунистдиз рес­­публикадин недай-хъвадай промышленностдин рабочийрин проф­союздиз теклифна. Ада ина ва ахпа агропромышленный комплексда зегьметдин рекьяй технический инспектор яз кIвалахна. З.Ибрагьимова Да­гъус­танда кардик квай консервиярдай вири заводрал кьил чIугуна ва кIвалахзавайбуруз къу­лай, хатасуз шартIар тешкилдай серенжемар кьабулна.

Закидин Исмаилович СССР-дин АПК-дин работникрин проф­союздин ЦК-ди Узбек ССР-дин памбаг кIватIзавай зегьмет­чий­риз, абуруз куьмек гузвай сту­дентриз кIвалахдин, яша­йиш­дин, ял ягъунин гьихьтин шар­тIар тешкилнаватIа ахтарми­шиз ракъурна. Ада Навои шегьердин ва областдин памбаг гьялзавай карханайра, колхозра, совхозра­ ахтармишунин кIвалахар тухвана, вичин везифа намуслувилелди тамамарна.

ЦIуд йисалай виниз ада рес­публикадин зегьмет хуьнин рекьяй государстводин инспекция­да ва ахпа  «Тарнаир», «Каспий»­ санаторияр ва «Заря» по­ликли­­­­ника акатзавай «Медпрофцентр» ООО-да зегьмет хуьнин­ ре­кьяй инспекторвиле кIва­лахна.

Закидин Исмаилович марифатлу, къанажагълу хизандин кьил, рухвайрин, хтулрин ихтибарлу буба  тир. Ам  гзафбурун рикIера амукьда.

Мукьва-кьилияр