Курхуьруьн 1-нумрадин юкьван школадин спортзалда столдал къугъвадай теннисдай Сулейман-Стальский райондин турнир кьиле фена. Дагъустандин Автономиядин 100 йисан юбилейдиз талукьарнавай турнирдин тешкилатчи райондин спортдин, туризмдин ва жегьилрин крарай комитет тир.
Турнир яшариз килигна 2 категориядай — 18 йисал къведалди ва 18 йисалай виниз яшара авайбурун арада кьиле фена. Акъажунра саки 150 касди иштиракна.
Лагьана кIанда, акъажунар лап къизгъиндаказ кьиле фена. Нетижада 18 йисал къведалди яшара авайбурун арада А.Абдулманафова — 1, В.Бедалова — 2 ва К.Абдуллаева 3-чкаяр кьуна.
18 йисалай виниз яшара авайбурун арада 1, 2 ва 3-чкайриз, талукь тирвал, А.Муслимов, А.Эмрягьов ва И.Алиев лайихлу хьана.
Турнирдин гъалибчийриз ва призерриз грамотаяр ва пулдин премияр гана.
Хазран Кьасумов
