ЦIийи Къурушрин хуьруьн 1-нумрадин юкьван мектебда­ СтIал Сулейманан премиядин­ лауреат, машгьур гьикаятчи ­Межид Жарасович Гьажиев дидедиз хьайидалай инихъ 95 йис тамам хьуниз талукьарнавай мярекат кьиле фена. Межлис тешкилиз ва тухуз хуьруьн ктабханайрин заведующияр тир Шагьбазова Сулмаза ва Къулиева Кагьрабади куьмекна. 

Муаллимар тир Къарибов Элескера, Гьажиева Къизила­, Лазимов Акифа, Дадашева Эрзиди, Назарова Ренади, и цIа­ра­рин авторди Межид Гьажие­ван уьмуьрдикай ва яратмишунрикай суьгьбетна. Рахайбур иллаки писателдин «Им къван, им­ни терез» романдал, «Ирид къаш» повестдал акъвазна.

Эхирдай мектебдин директор­ Гьажиметов Бахтияр Исаму­ди­но­вича мярекат тешкилай­бу­руз сагърай лагьана ва акьалт­за­вай несилдиз ихьтин мя­ре­кат­рикай еке хийир авайди къейдна.

Гь. Къазиев