И йикъара Кьасумхуьруьн 1-нумрадин ДЮСШ-дин спортзалда Сулейман-Стальский райондин умуми образованидин идарайра кIелзавайбурун арада волейболдай турнир кьиле фена. Ам райондин спортдин, туризмдин ва жегьилрин крарай комитетдин (директор — Надыр Эфендиев) теклифдалди тешкилнавай.
Турнир къизгъиндаказ кьиле фена. Командаяр хъсандаказ гьазур хьанвай, са командадизни магълуб жез кIанзавачир.
Къизгъин акъажунра 1-чка Вини СтIалрин юкьван школадин командади кьуна.
Талукь тирвал, 2 ва 3-чкайриз Раидин Османован тIварунихъ галай Герейханован 1-нумрадин ва Россиядин Игит Радим Халикьован тIварунихъ галай Кьулан СтIалрин юкьван школайрин командаяр лайихлу хьана.
Турнирдин гъалибчи ва приздин чкаяр кьур командайриз къиметлу пишкешар, грамотаяр, кубокар, пулдин призар гана.
Хазран Кьасумов
