Мергьяматлувилин “ЛЕКИ” фондуни ­цIи­нин йисузни “Аял мектебдиз гьазура” серенжем кьиле тухвана. Адан макьсад гзаф ая­лар ва игьтияж авай хизанрай тир 100 аялдиз мектебда герек жедай­ та­да­ракар авай портфелар пишкешун я.

“ЛЕКИ” фондунин векилри ихтилат авурвал, цIи серенжемдин сергьятра аваз Кьурагь, Мегьарамдхуьруьн, Агъул районрин, гьакI­ни Дербентда яшамиш жезвай Сириядин аялриз, диде-буба кьилел аламачирбуруз, инвалидриз пайна. Къейд ийин, мергьяматлувилин фондуни­ “Аял мектебдиз гьазура” серенжем цIи ругуд лагьай сеферда тешкилна. Фондунин активистри мергьяматлувилин серенжемда иштиракайбуруз, чпин пай кутурбуруз, гьакIни “Тетрабум” ООО-дин регьбер С.Шириноваз ва анин вири коллективдиз сагърай лугьузва.­

“Регьимдин крар авун патал рикIер ачух ви­рибуруз чна проектар саналди кьилиз акъу­дун патал теклифзава. Умуми къуватралди чавай хайи халкь, чил еримлу аву­ник­ пай ку­таз жеда”, — къейдзава фондунин векилри.

Л.Фетгьуьллагь