Мергьяматлувал
СтIал Сулейманан райондай тир запасда авай ефрейторди РФ-дин Яракьлу Къуватрин жергейра къуллугъ кьилиз акъудун патал икьрар кутIуннава. Ватан хуьн вичин буржи яз гьисабзавай, 44 йисан яшда авай кьасумхуьруьнвидихъ галаз райондин администрациядин кьил Саид Темирханов гуьруьшмиш хьана. Идакай чкадин администрациядин пресс-къуллугъди хабар гузва.
Ватанэгьлиди СВО-дин зонада мотострелковый ротадин гранатометчик яз къуллугъда. С.Темирханова икьрардин бинедаллаз къуллугъдай аскердиз яшайишдин жигьетдай талукь кьезилвилерикай, алава яз кьабулзавай куьмекдин серенжемрикай, гьа жергедай яз аскервиле къуллугъзавайбурун хизанриз муниципальный дережада ийизвай куьмекрикайни ихтилатна.
Къейд ийин, СВО-да иштиракзавайбурун хизанриз куьмекар гунин месэлаяр райондин регьберди вичин кьетIен гуьзчивилик кутунва.
Гележегда СВО-да къуллугъдай ватанэгьлидин ватанпересвилин руьгьдиз еке къимет гуналди, райондин регьберди адав хъсан крар кьилиз акъудзавай «Умуд» фондунин патай 100 агъзур манат пул вахкана.
«Лезги газет»
