Эвел — и ссылкадай кIелиз жеда
Джабера
Шейх Джабер аль-Агьмед ас-Сабагьадин гьуьрметдай эцигнавай муьгъ Мукьвал тир шаркь пата цин винелай эцигнавай виридалайни яргъи имарат яз гьисабзава. Ам Кувейтда — Персидский заливда ава. Яргъивили 48,53 километр тешкилзава.
Араб уьлквейрин Советдин проектрин сергьятра аваз муьгъ 2012-йисуз эцигиз гатIунна ва 2019-йисуз ишлемишиз вахкана. Гьава лап чими тирвиляй кIвалахар асул гьисабдай экуьнахъ лап фад ийизвай. Кувейтдин жемиятдин кIвалахрин министерстводин заказдалди гъиле кьур и муькъуьз, санлай къачурла, 2,6 миллиард доллар харжнава. Ада Эш-Шувайх, Эль-Кувейт шегьерар Эс-Сабия райондихъ галаз алакъалу ийизва.
Циндаодин муьгъ
И муьгъ дуьньяда улакьрин гьерекат авай виридалайни чIехи муькъверикай сад я. Китайдин мулкара авай и муькъуь Циндао шегьер Хуандао райондихъ галаз алакъалу ийизва. Яргъивилел 42,5 километр ала.
Муьгъ 2007-2012-йисара эцигна ва адаз 5,5 млрд фунт харжна. Эцигунра 450 тонндив агакьна гьулдан, 2 млн кубометр бетон ишлемишна. Муькъуьк 5 агъзурдав агакьна махсус дестекар кутунва.
Гьар юкъуз и муькъвяй 30 агъзурдав агакьна машинар физва.
Пончартрейндин муьгъ
Пончартрейн вирел эцигнавай и муькъуьн яргъивилел 38,42 километр ала ва ам дуьньядин виридалайни яргъи 10 муькъуькай сад я. Ам США-дин Луизиана штатда ава. Ада вирин къарши къерехра авай Метайри ва Мандевиль шегьерар алакъалу ийизва.
Къейд ийин хьи, 1960-йисуз эцигнавай и муькъвяй анжах пул гана физ жезва.
Гьазурайди — Агьмед Магьмудов
