10-11-декабрдиз Майкоп шегьерда азаддиз кьуршахар кьунай Урусатдин кубок патал регионрин командайрин арада акъажунар кьиле фена. Ана Чечен Республикадин, Дагъустандин, Бурятиядин, Крымдин, Красноярскдин крайдин, Москвадин, Кеферпатан Осетиядин командайри иштиракна.
Шад жедай кар ам я хьи, дагъустанвийри азаддиз кьуршахар кьунай чеб уьлкведа виридалайни викIегьбур тирди нубатдин сеферда къалурна. Турнирдин нетижада 1-чка Дагъустандин командади кьуна. 2-чкадиз — Кеферпатан Осетиядин, 3-чкадиз — Москвадин ва 4-чкадиз Чечен Республикадин командаяр лайихлу хьана.
Дагъустандин командадик кваз турнирда Юнус Явбатирова, Абубакар Муталиева, Муслим Мегьтиханова, Рамазан Гьажимегьамедова, Мохьмад Насирхаева, Агьмед Манилова, Аманула Гьажимегьамедова, Асгьаб Саадулаева, Рамазан Шабанова, Сайпудин Мегьамедова иштиракна.
Чи мухбир
