Ингье XXI асирдин 21-йиса тарихда вичин чка кьунва. Чна гьар сада алатай йисан нетижаяр кьадай вахтни алукьнава. Четинди, регьятди, гьихьтинди хьайитIани, гьар са йис чи уьмуьрдин рикIел аламукьдай вакъиайрикай ибарат пай я.
Чи спортсменриз чпин устадвал къалурдай мумкинвални хьана. Агъадихъ чна дуьньядин кесерлу майданра чпин алакьунар вини дережада аваз къалурай ватандашрикай виридалайни хъсан “цIудан” тIварар нубатдин сеферда кьазва. Амма и сеферда дуьньядин чемпионвилин тIварар къазанмишай спортсменрилай гъейри, и сиягьдик чпин алакьунралди тафаватлу хьайи мад кьве ватанэгьли- М.Эминов (ММА-дай чемпионвилин чIул хуьнай) ва Э.Ибрагьимов (са шумуд рекорд эцигнавай ада, Эльбрусдал гьар садай 16 кг къвезвай путар гваз хкаж хьана, абур 48 сеферда рум гуз хкажуналди, Россиядин рекорд эцигна) алава хъувуна. Къуй алукьнавай йисуз чахъ викIегь спортсменрин кьадар мадни гзаф, йисни берекатар галайди, рикIиз ва руьгьдиз архайинвал авайди хьурай!
Рагнеда Рамалданова
