Гьар са йис тарихда гьатдайла, адет яз, суалар къведа: гьихьтинди тир алатай йис? Квелди ам амайбурулай тафаватлу хьана? Чи рикIера гьихьтин гел туна?
Лезги халкьдин векилри спортда къазанмишай агалкьунрикай рахайтIа, 2019-йис бегьерлуди хьайидан гьакъиндай йисан кьиляй-кьилиз чна гайи муштулухри, миллетдин векилрин руьгь хкажай макъалайри шагьидвалзава. Шадвилелди мадни а кар къейд ийиз кIанзава хьи, лезгийрин арада спортдин рекье еке дережайрив агакьзавай зурба пагьливанрин кьадар йисалай-суз артух жезва.
Къуй жергеяр мадни къалин хьурай! Алукьнавай ЦIийи йисуз абурухъ мадни зурба агалкьунар хьун чи мурад я. Лезги халкьдин тIвар машгьурзавай гьар са кьегьал хциз чна сагърай, аферин лугьузва. И рекье авай жегьилриз чна, четинвилериз килиг тавуна, анжах виликди финиз эвер гузва. Къуй виридан кьилел экуь рагъ, дуьнья ислягь хьурай!
Нубатдин сеферда “Лезги газетди” чи халкьдин векилрикай 2019-йисан виридалайни хъсан цIуд спортсмен хкянава. И сиягьдик чна спортдин кесерлу майданра — дуьньядин чемпионатра, кIвенкIвечивал ва Кубок патал акъажунра къизилдин медалар къачур спортсменар кутунва. Ингье абур:
Рагнеда Рамалданова
