Украинада кьиле физвай махсус серенжем давам жезва. Урусатдин армиядин­ аскерри нацистриз акси женгера акьалтIай дирибашвилер къалурзава. Амма телефвилер галачир дявеяр жедач. Уьлкведин жуьреба-жуьре шегьеррани хуьрера яшамиш жезвай хизанрив, гьайиф хьи, чIулав хабарарни агакьзава.

Алатай йисан эхирра Кьурагьрин хуьрени махсус серенжемда кьегьалвилелди телеф хьайи Къадир Мегьамед-Расулович Абдуллаев кучукна. Идакай муници­па­ли­тет­дин администрациядин пресс-къуллугъди хабар гана.

ЛНР-дин азадвални аслу туширвал ­па­­тал кьиле фейи женгера къалурай кье­гьал­вилерай Къадир Абдуллаеваз кьейидалай кьулухъ “Дирибашвиляй” медаль ганва.

Кьурагь райондин администрацияди, “Лезги газетдин” редакцияди Абдуллаеврин хизанриз, вири мукьва-кьилийриз башсагълугъвал гузва.

Чи мухбир