Сенатор Сулейман Керимова мусурманрин пак Къурбанд суварин гьуьрметдай мергьяматлувилин “Инсан” фондуниз 5 агъзур гьер чара авуна. Садакьаяр игьтияж авай дагъустанвийриз гана.
“Алатай йисара хьиз, цIини Сулейман Керимова вичин ватанэгьлийриз мергьяматлувилин куьмек гана”, — лагьана фондунин векилди.
Къейд ийин, Къурбанд суварин юкъуз РД-дин Кьилин везифаяр вахтуналди тамамарзавай Сергей Меликован патайни Республикадин Муфтиятди игьтияж авай хизанриз са тонн як пайна.
«Лезги газет»
