Гьуьрметлу дагъустанвияр!
За квез Дагъустан Республикадин Конституциядин югъ мубаракзава!
Конституцияди, Россиядин Федерациядин субъект ва адан къакъудиз тежер пай яз, Дагъустан Республикадин дережа тестикьарна, республикадин властдин ва чкадин самоуправленидин органрин кIвалахдин, демократвилин, гражданвилин общество туькIуьрунин принципар тайинарна. Закондин вилик виридан барабарвал, фикирдинни гафунин, намусдинни диндихъ инанмишвал авунин азадвал, чирвилер къачун, яшайишдин жигьетдай хуьн ва медицинадин рекьяй куьмек агакьун патал ихтиярар — и ивирар Республикадин Конституциядин бинеда гьатнава.
Дагъустан Республикадин Конституция кьабулайдалай инихъ цIийи несил чIехи хьанва, гьалар дегиш хьанва, амма Конституциядин положенияр дибдин закон ва общественный уьмуьрда марифатдин жигьетдай рехъ къалурзавай такьат яз ама. Къе Дагъустанда законлувал ва къанун-къайда гуьнгуьна хутазва, республика дурумлудаказ виликди финин рекьел экъечIзава. Конституцияди гузвай мумкинвилер уьмуьрдиз кечирмишун, адан нормаяр лагьайтIа, гьар йикъан уьмуьрда чешне хьун патал хейлин крар хъувуна кIанзава. Конституциядин гьарф ва руьгь вилив хуьн, закондал ян тагана амал авун, яратмишунрин тегьерда зегьмет чIугун — Дагъустанди цуьк акъудунин ва адан агьалийрин гележег бахтлуди хьунин замин я.
Заз квехъ мягькем сагъламвал, хушбахтвал, Дагъустандин ва Вири Россиядин абадвал патал цIийи агалкьунар ва къазанмишунар хьун кIанзава.
Дагъустан Республикадин Кьилин везифаяр вахтуналди тамамарзавай В.Васильев
