И мукьвара Волгоград шегьердин физический культурадин академиядин манежда кьезил атлетикадай уьлкведин Кьиблепатан ва Кеферпатан Кавказдин федеральный округрин чемпионатдани къадим шегьердин кьезил атлетрин командади нубатдин агалкьунар къазанмишна.
Саки 750-дав агакьна спортсменрин арада кьиле фейи акъажунра дербентвийри кIвенкIвечи чкаяр кьуна. 400 метрдиз чукурунай Къурбан Къурбанов — 1, яргъивилиз хкадарунай Камил Къурбанов — 2, 200 ва 60 метрийриз чукурунай Сократ Муртузаев ва Эльман Ханов 3-чкайриз лайихлу хьана.
Дагъустандин хкянавай командадик кваз Дербентдин спортсменри — Мавлуд Шихкеримова, Сократ Муртузаева ва Рамазан Куьребегова командайрин арада — 3, рушарин арада Камила Къурбановади 2-чкаяр кьуна.
КIвенкIвечи чкаяр кьур спортсменри кьезил атлетикадай и йикъара кьиле фидай Россиядин чемпионатда иштиракда.
Нариман Къарибов
