Алай йисан 20-31-октябрдиз Сулейман-Стальский райондин Агъа СтIалрин хуьре МР-дин кьил Нариман Абдулмуталибован призар патал муниципалитетдин жуьреба-жуьре тешкилатра ва идарайра кIвалахзавай ксарикай ибарат тир командайрин арада мини-футболдай турнир кьиле фена.
Райондин спортдин, туризмдин ва жегьилрин крарин рекьяй комитетди тешкилнавай и серенжемдин макьсад районда футбол вилик тухун, бажарагълу спортсменар майдандиз акъудун тир. Алай йисуз турнирда 9 командади иштиракна. Къизгъиндаказ кьиле фейи акъажунрин финалдиз райондин администрациядин ва “Мевер” заводдин командаяр акъатна. 2:1 гьисабдалди райадминистрациядин команда 1-чкадиз лайихлу хьана. 3-чка “Муг” алишверишдин кIвалин командади кьуна. Адаз 5:3 гьисабдалди “МЧС” команда кумукьна.
Гъалиб хьайибурув шабагьар вахкудай мярекатда райондин кьил Н.Абдулмуталибова, адан 1-заместитель Л.Оружева, спорткомитетдин начальник Н.Эфендиева ва маса ксарини иштиракна.
«Лезги газет»
