2-июндиз Дербент, Дагъустандин Огни шегьеррин ва Дербент райондин военный комиссариатда РД-дин военный комиссар Дайтбег Мустафаева прессадин векилрихъ галаз гуьруьш кьиле тухвана ва журналистрин са жерге суалриз жавабар гана.
Д.Мустафаеван гафарай малум хьайивал, РФ-дин Президентдин 167-нумрадин Указдал ва РФ-дин оборонадин министрдин буйругъдал асаслу яз, 2022- йисан 1-апрелдилай 15-июлдалди Дагъустанда 1995-2004-йисара хьайи жегьилриз военный къуллугъдиз эвер гудай серенжемар кьиле физва. РД-да и кIвалах кьиле тухузвай 53 комиссия кардик ква.
Дагъустандай цIи армияда къуллугъиз саки пуд агъзур касдиз эвер гуда. Д.Мустафаева къейд авурвал, аскервилиз сифте яз эвер гузвайбуру уьлкведин Яракьлу Къуватрин анжах Урусатдин мулкарал алай вири жуьредин кьушунра къуллугъда, абуру Украинада кьиле физвай махсус серенжемда иштиракдач.
Чи мухбир
