Са тIимил йикъар идалай вилик Каспийскда, Али Алиеван тIварунихъ галай спортдин Дворецда, джиу-джитсудай Дагъустандин кIвенкIве­чивал патал акъажунар кьиле фена.

Ана Мегьарамдхуьруьн райондин Гъепцегьрал яшамиш жезвай, еке агалкьунар авай спортсмен ва теж­рибалу тренер  Эйнар  Экберован  гъилик вердишвилер къа­чузвай жаванри хъсан нетижаяр къалурна.

ИкI, чпин агал­кьунрикай чна идалай виликни ­хабар гайи  Рустам  Рус­­тамова  (38 кг-дин заланвиляй ва 2009-2010-йисара дидедиз хьайи жаванрин арада),  Саад  Шагьбанова  (66 кг-дин заланвиляй ва 2005-2006-йи­сара дидедиз хьайи жаванрин арада),  Умар  Гьажиму­ра­дова  (50 кг-дин­ за­лан­­­­виляй) ва  Мегьамед  Шагь­банова  (60 кг-дин заланвиляй 2007-2008-йисара дидедиз хьайи жаванрин арада), республикадин дережадин акъажунра кIвенкIвечи чкаяр кьуналди, гила чпин ­устадвал Россиядин кIвен­кIве­чивилин акъажунра къалурун патал гьазурвилер ­аквазва.

Рагнеда Рамалданова