Алатай гьафтедин ял ядай йикъара Краснодардин крайдин Витязево поселокда вири жуьрейрин (всестителевое) каратэдай Россиядин чемпионат кьиле фена.
Ана чи уьлкведин 51 региондай тир 330-дав агакьна спортсменри чпин устадвал къалурна. Абурун арадай чи ватанэгьли, вичин ери-бине Кьурагь райондин КIирийрин хуьряй тир (алай вахтунда ам Ульяновскдин областда яшамиш жезва ва и региондин патай экъечIзава) Сократ Тагьирова (64 кг-дал къведалди заланвал авайбурун арада) чи уьлкведин чемпионвилин тIвар къазанмишна. Гила ам Туьркияда ноябрдиз кьиле фидай дуьньядин чемпионатдиз гьазур жезва.
«Лезги газет»
