Дагъустандин медицинадин идарайриз санитариядин автотранспорт агакьарун давам жезва. РД-дин здравоохраненидин министерстводи здравоохраненидин сифтегьан звенодин гьал хъсанаруниз талукь Программадин бинедаллаз маса къачунвай 27 автомобиль сагъламвал хуьдай идарайрив са тIимил йикъар идалай вилик РД-дин Кьил Сергей Меликова вахканай.
Гаф кватай чкадал лугьун лазим я хьи, им алай йисуз маса къачун пландик квай автомашинрин са тIимил пай я. Винидихъ тIвар кьунвай программадай алай йисуз республикадин шегьерринни хуьрерин поликлиникайрив ва азарханайрив 177 машин агакьун гуьзлемишзава. Амай машинарни йисан эхирдалди азакьардайвал я.
Медицинадин идараяр патал 13 автомашиндикай ибарат тир нубатдин партия и йикъара районрин больницайриз мадни чара авуна. ИкI, Дагъустандин мусибатдин медицинадин центрадин гьаятда “Лада Ларгус” маркадин куьлегар а идарайрин векилрив РД-дин здравоохраненидин министрдин заместитель Салман Агьмедова вахкана. Абур агакьай азарханайрин арада Мегьарамдхуьруьн, Дербент, Рутул районрин центральный больницаярни ава.
«Лезги газет»
