Мукьвара Дагъустанда транспортдин “Электронный проездной” къайда кардик кутун мумкин я. Региондин мулкунал и проект кардик кутунин мумкинвилиз 27-июндиз РД-дин транспортдин, энергетикадин ва алакъадин министерствода Россиядин Сбербанкдин ва пул гудай “Корона” къуллугърин векилрихъ галаз хьайи гуьруьшдал килигна, хабар гузва министерстводин пресс-къуллугъди.
Министрдин заместитель Якьуб Худжаева къейд авурвал, идаради проектдиз итиж авунин себеб пассажирар санай-масаниз тухузвай ксар, автовокзалар ва автостанцияр, “Экономика “элцифарун” кар алай проектдин сергьятра аваз, нагъда пул гъиляй-гъилиз гун тIимиларунин ва пул галачир гьахъ-гьисабрал элячIунин гьакъиндай министр Сайгидпаша Умаханован тапшуругъдихъ галаз алакъалу я.
«Лезги газет»
