Сулейман-Стальский райондин общественный палатадин тешкиллувилин заседание кьиле фена. Адан кIвалахда райондин кьил Нариман Абдулмуталибова, райсобранидин председатель Штибег Мегьамедханова, райадминистрациядин кьилин заместителри, идарайрин руководителри, хуьрерин кьилери, общественностдин векилри иштиракна.
Заседание общественный палатадин председатель Алимет Мейланова ачухна ва кьилени тухвана. Анал важиблу 8 месэладиз, гьабурукай яз тешкиллувилин месэлайризни килигна.
Гьахъ-гьисабдин девирда общественный палатади тухвай кIвалахдикай А. Мейланова гегьенш доклад авуна.
Общественный палатадин председателвиле Алимет Мейланов, заместителарвиле Ягъибег Ягъибегов, Феликс Магьмудов, секретарвиле Загьир Гьажимирзоев хкяна.
4 комиссиядин председателвиле Рамиз Муталибов, Мусаиб Агьмедов, Юрий Таривердиев, Шагьламаз Мурадагъаев хкяна.
Заседанидал общественный советдин кIвалахдин план тестикьарна.
Н. Абдулмуталибова, заседанидин нетижаяр кьун яз, палатади, адан председатель Алимет Мейланова гьахъ-гьисабдин девирда тухвай кIвалахдиз еке къимет гана.
— Общественный палатадин гьар са членди райондин общественный уьмуьрда, агьалийрин ихтиярар ва законлу интересар хуьнин карда активвилелди иштиракзава, — лагьана Н. Абдулмуталибова. — Умудлу я хьи, абуру гележегдани район яшайишдин, экономикадин рекьерай вилик финик, жегьилар ватанпересвилин руьгьдаллаз тербияламишуник, абур райондин общественно-политический уьмуьрдиз желб авуник еке пай кутада.
Асият Мирзалиева,
Хазран Кьасумов
