И йикъара Докъузпара райондин Усугъчай хуьруьн ктабханадин кIелдайбурун залда «Терроризм – хаталувал» темадай суьгьбетрин сят кьиле фена. Мярекатда ЦРБ-дин кьилин духтур Ш.Бухсаева, ктабханадин ва райондин маса идарайринни тешкилатрин къуллугъчийри иштиракна.

Ктабханадин къуллугъчийри «Халкь терроризмдиз акси я» лишандик кваз ктабрин выставкани тешкилнавай. Мярекатдал ктабханадин къуллугъчи Лавиза Багъировади терроризм арадал атунин тарихдикай, адан чIулав гьерекатрикай, Беслан ва маса шегьерра кьиле фейи мусибатдин терактрикай ихтилатна.

Веревирдерилай кьулухъ иштиракчийриз видео-презентацияни къалурна. Терроризм негь авуниз талукьарнавай мярекатар Мискискарин, Къалажухрин ктабханайрани тешкилна.

«Лезги газет»