Мубаракрай!

Хасавюрт райондин Къурушрин хуьре яшамиш жезвай агъсакъал, яргъал йисара хуьруьн майишатдин хиле саларбан-бригадир яз зегьмет чIугур игъирви Дагълар  Мегьтикъулиевич  Мамедоваз:

Зегьметдин гьекь пелел алаз,

Гьалаллу фу дадмишна на.

Ният михьи, къаст кIеви яз,

Уьмуьрд сегьне къурмишна на.

Гьавиляй ваз къе, агъсакъал,­

Хуьре-кIвале гьуьрмет ава.

Ваз лайих я тарифдин чIал,

Халкьдин патай гьуьрмет ава.

Мубаракрай кIуьд цIуд яшар,

Яргъи уьмуьр, сагъ чан хьурай!

Виш йисаз вун хьана къаншар,

Къуй гьамиша кIубан хьурай.

Ви 90 йисан юбилей рикIин сидкьидай мубаракзавай стхаяр, веледар, хтулар, птулар…

___________________________________________________________________________________________________________________________

Махачкъалада яшамиш жезвай яйлахрин руш Фатима  Казимова-Гьажибеговадиз:

Уьмуьрда рикI секин тахьай диде я!

Гьелбетда, ви дережа чаз вине я,

Вун чи эвел, чи сифте кьил, бине я.

Вири крар Сад Аллагьдин гъилева,

Ви багьа тIвар гьамиша чи рикIева.

Гележегда ви гьар са кар хъсан хьуй,

РикI шад хьана, вун уьмуьрдал гьейран хьуй,

Багърийризни мадни гзаф масан хьуй,

Худади ваз сагълам уьмуьр бахт гурай,

Мурадарни тамамардай вахт гурай.

Ваз хайи йикъан 80 йисан сувар мубаракзавай уьмуьрдин юлдаш,

стхаяр, веледар, хтулар, птулар, мукьва- кьилияр.

__________________________________________________________________________________________________________________________________

Дагъустандин лайихлу муаллим, ери-бине Кьурагь райондин КьепIиррин хуьряй тир Марта  Бейбалаевна  Алиевадиз:

Гатфарин алван,

Руьгь даим жаван,

Вун тебрикзавай

Сеслу я чи ван.

Бахтар барка яз,

Дуьнья ахъа яз,

Гена хьурай ви рехъ,

Нурар заха яз!

Ви тIвар — Гатфар — Март,

Гьакьван мерд, жумарт,

Виш сара ви къул

Хьурай саламат!

Ваз юбилей тебрикзавай уьмуьрдин юлдаш, веледар,

сусар, хтулар, стха, вахар ва мукьва-кьилияр