Гьуьрметлу Абдурагьим Мирзежанович!
“Лезги газетдин” редакциядин коллективди Квез цIийи къуллугъ — Докъузпара райондин кьил яз хкягъун рикIин сидкьидай тебрикзава. Куьн республикада, кьилди къачуртIа, лезги халкьдин арада кар алакьдай, бажарагълу пешекар-тешкилатчи яз сейли я. Чун гзаф йисарин тежриба авай Квевай Докъузпара район мадни авадан авунин, экономика виликди тухунин, халкьдин яшайиш хъсанарунин карда уьтквемдаказ камар къачуз жедайдахъ агъазва.
“Лезги газетди” Докъузпара районда кьиле физвай лишанлу вакъиаяр, цIийивилер, агьалийриз тешкилзавай къулайвилер гьамиша гегьеншдиз раижзава ва и кар гележегдани давамарда.
Квел ихтибарнавай чIехи везифаяр лайихлудаказ кьиле тухунин карда Квез Аллагьди къуватар гурай! Квехъ еке агалкьунар хьун, Докъузпара район мадни машгьур хьун чи мурад я.
“Лезги газетдин” редакциядин коллектив
