Дагъустандин медицинадин идарайра тадаракар цIийи хъийизва. Идан гьакъиндай “Лезги газетдиз” РД-дин здравоохраненидин министерстводин пресс-къуллугъди хабар гана.
ИкI, республикадин диагностический центрадиз медицинадин цIийи техника маса къачунва ва ам кардикни кутунва. Шазан эхирра медикрив лап виниз тир еридин компьютерный томограф агакьна. Ам маса къачун патал такьатар РФ-дин гьукуматдин резервдин фондунай чара авуна. Региондин бюджетдин такьатрин гьисабдай девирдин истемишунриз жаваб гузвай МРТ-дин аппаратни къачуна. ЦIи республикадин Минздравди РДЦ-див рекъемрин цIийи маммограф ва УЗИ-дин 5 аппарат агакьарна. Ихьтин цIийи тадаракри акушервилин ва гинекологиядин, урологиядин, кардиологиядин рекьяй лап жуьреба-жуьре азарриз талукь диагноз эцигун патал лап муракаб ахтармишунар кьиле тухудай мумкинвал гуда.
“…Зун инанмиш тирвал, цIийи тадаракри РДЦ-дин пешекаррин мумкинвилер гегьеншарда”, — къейдна РД-дин здравоохраненидин министр Жамалудин Гьажиибрагьимова.
«Лезги газет»
