Мартдин эхирда райондин кьили акъудай «Сулейман-Стальский район» МР-дин мулкара «Къацу километрияр» экологиядин субботник тухунин гьакъиндай» къарар тамамарунин мураддалди, 30-мартдиз, райондин ДЮСШ-дин тренеррин-муаллимрин дестеди къацу къелемар кутунин субботник тешкилна. Идакай «Лезги газетдиз» райондин администрациядин пресс-къуллугъди хабар гана.
Серенжем кьиле фейи вахтунда субботникдин иштиракчийри жуьреба-жуьре тарарин 100 кьван къелем цана.
РикIел хкин, къейднавай серенжемдин сергьятра аваз райондин мулкара алатай йисузни хейлин кIвалахар кьилиз акъуднай. А чIавуз 800 кьван къелемар кутунай. Алай йисуз 1300 кьван къелемар цадайвал я.
«Лезги газет»
