Алай йисан 7-августдилай 18-августдалди Сулейман-Стальский райондин Агъа Стlалрин хуьре Азадуллагь Жаруллаев рикlел хкуниз талукьарна футболдай XVIII лагьай турнир кьиле фена. И гьакъиндай «Лезги газетдиз» райондин администрациядин пресс-къуллугъди хабар гузва.

Чешмеди къейдзавайвал, футболдай кьиле фейи турнир физкультурникдин йикъахъ галазни алакъалу авунвай. Акъажунар райондин спортдин, туризмдин ва жегьилрин рекьяй тир комитетдин куьмекдалди кьиле фена.

Турнирда Кьиблепатан Дагъустандин районрай 23 командади иштиракна.

Нетижада 1-чка «Агъа Стlалар», 2-чка «Сабнава» ва 3-чка «Кьасумхуьр» командади кьуна. Кьуд лагьай чкадал «Кьурагь» команда хьана.

Гъалибчиярни хъсан чкаяр кьурбур кубокралди, грамотайралди, къиметлу пишкешралди ва пулдин премиядалди къейдна.

«Лезги газет»