«Лезги газетдиз» Сулейман-Стальский райондин администрациядин пресс-къуллугъди хабар гузвайвал, РД-дин кьил В.Васильеван теклифдалди кардик кутур «100 мектеб» проект бажармишунин сергьятра аваз райондин вад мектебдин дараматар цIийи хъувуна.
Кьилди къачуртIа, проектдик и райондин Агъа СтIалрин, КIахцугърин, М.Рагьимован тIварунихъ галай Курхуьруьн 1-нумрадин, Шихидхуьруьн, ДаркIуш-Къазмайрин мектебар акатна.
ТIварар кьунвай мектебрин дараматар куьгьнебур, фадлай ремонт кIанзавайбур тир. Мектебрин къавар, дакIарар, ракIар дегишна ва икI мад. Са гафуналди, районда «100 мектеб» проект тамамвилелди кьилиз акъудна.
«Лезги газет»
