— Сад лагьай классдиз физвай аял патал государстводи пул (выплата) гузвани ва адан кьадар гьикьванди  я?

— Дагъустан Республикадин Гьукуматдин 2012-йисан 8-августдиз кьабулнавай 265-нумрадин къарардал асаслу яз, 1-классдиз физвай сад ва я са шумуд аял авай агьвал авачир (малоимущий) хизанриз государстводин патай 2000 манатдин кьадарда аваз пул гузва. Гьар са аялдиз — 2000 манат ва са сеферда.

Пулдин куьмек къачун патал винидихъ къалурнавай жуьредин хизанрин векилар документарни гваз чеб яшамиш жезвай чкада авай МФЦ-диз фена кIан­зава. Ихьтин документар герек къведа:

— диде-бубадин паспортар;

— аял хунин гьакъиндай шагьадатнама;

— эвленмиш хьунин гьакъиндай шагьадатнама;

— эгер диде-бубайрикай сада кIвалахзавачтIа, кIвалахдилай алуднавайди къейднавай зегьметдин книжка ва я кIвалахдик квачирди тестикьарзавай справка;

— эгер диде-бубади кIвалахзаватIа, кIвалахза­вай­ди тестикьарзавай справка (кIвалахал кьабулай­ вахт ва приказдин нумра къалурнавай) ва эхиримжи пуд вацра къачунвай мажибдин кьадар къейднавай справка;

— аял 1-классдиз фенвайди тестикьар­завай справка;

— аял вичин диде-бубадихъ ва я къаюмрихъ галаз яшамиш жезвайди тестикьарзавай справка;

— диде-бубадин ИНН (эгер аваз хьайитIа);

— хизанда шумуд кас аватIа къалурнавай справ­ка;­­

— банкдин реквизитар.

РикIел хуьх: и пул къачун патал документар МФЦ-диз алай йисан 1-декабрдалди агакьарна кIанзава.

«Лезги газет»